اهم 10 اسئله لطالب ثانويه عامه قبل المرحله الثالثه وتنسيق الدبلومات الفنيه

اهم 10 اسئله لطالب ثانويه عامه قبل المرحله الثالثه وتنسيق الدبلومات الفنيه 



1. معاد المرحله الثالثه امتا بالظبط / والحد الادنى للمرحله كام ؟ 

الحد الأدنى للمرحلة الثالثة بالتنسيق 50% على ان يبدأ الطلاب في ملأ الرغبات من السبت 13 أغسطس، وحتى الأربعاء 17 من ذات الشهر

2. بالنسبه للطلاب الدور الثانى هيبقا ايه نظامهم ف تنسيق المرحلة الثالثة ؟

حضرتك المرحلة الثالثة سوف يتم قسمها على نصفين 
النصف الاول لطلاب الدور الاول الذين 
والنصف الثانى لطلاب الدور الثانى بعد اداء امتحانتهم .
اولا تدخل الامتحان وتنجح وبعد كده سوف يتم فتح ثلاث ايام لطلاب الدور الثانى فقط وبعد كده النتيجة هتظهر واحده يعنى الدور الاول والتانى مع بعض اما بالنسبة للكليه اللى هتدخلها ف ده ع حسب مجموعك 
بس ده مش معنا ان واحد جايب مجموع مرحلة تانيه فتاخر يبقا يدخل كليه ف المرحلة التانيه لا طبعا وع حسب بردو ممكن الكليه متكونش اكتفت ممكن تقبله 


3. معاد التحويل امتى / والتحويل بيكون ازاى ؟ وفين ؟ وهل ف تحويل ورق ؟ وكم عدد مرات التحويل ؟ واى شروط التحويل ؟ 

فتح باب التحويلات و تقليل الأغتراب تبدأ يوم الثلاثاء 16/8 حتى الجمعة 19/8 
ثلاث ايام فقط
التحويل الكترونى فقط لا غير 
يفضل ف مكتب التنسيق انما ممكن تعمله ف بيتك او ف سيبر عادى بس انا بقول يفضل 
لا يوجد تحويل ورق ( تم الغاء التحويل الورق ) 
يجوز لكل طالب التحويل مرة واحده فقط لا غير 
شروط التحويل اهم شرطين انك تكون جايب مجموع الكليه اللى انت رايحها وتكون ف التوزيع الجغرافى ليك

لمعرفه المزيد عن التحويل  اضغط هنا 


4. انا ثانوية عامة 2015 وعايز ادخل كليه ع حسب تنسيق 2016 ينفع ولا لا ؟

لا مينفعش طبعا لو عايز تحول يبقا ع حسب تنسيق 2015 فقط وتروح الكليه نفسها علشان تحول يعنى مش الكترونى وشرط انك تكون جايب تقدير ف الكليه اللى انت فيها 

5. موعد تنسيق الدبلومات الفنيه امتا ؟ 

بدء تنسيق الدبلومات الفنيه والمعاهد العليا يوم السبت 20 اغسطس المقبل


6. ما هى الكليات المتاحة للمرحلة الثالثه ؟

كليات التجارة "انتساب موجه" وكليات الآداب "انتظام وانتساب" والحقوق والسياحة والفنادق ودار العلوم والخدمة الاجتماعية "انتظام وانتساب" وبعض المعاهد العليا الهندسية والمعاهد الفنية للتمريض والمعاهد التابعة للكليات التكنولوجية والتربية الرياضية بنين وبنات والتربية النوعية موسيقية وفنية والمعاهد الخاصة.
المرحلة الثالثة لشعبة الادبى :-

كليات التجارة "انتساب" وكليات الآداب "انتساب" وكليات الحقوق انتظام وانتساب والسياحة والفنادق والخدمة الاجتماعية "انتظام وانتساب" ودار العلوم "انتساب" والمعاهد التابعة للكليات التكنولوجية والمعاهد الخاصة والتربية الرياضية بنين وبنات.


7. كليه دار علوم مثلا نازله مرحلة 3 ممكن اعرف هيا واخدة من كام ؟ 

ممكن تعرف من هنا 


8. لو سمحت عايز اعرف كليه تجارة واداب خدت من كام مرحلة اولى وتانية ؟

ممكن حضرتك تشوفه من هنا


9. التقديم للكليات امتي ؟

التقديم بعد 15 يوم من اعلان نتيجة المرحلة والناس اللى هتعمل تحويل متروحش تقدم غير لما تشوف نتيجة التحويل 

10 . الاوراق المطلوبه للتقديم ف الكليات ؟ 

بعد إعلان نتيجة الترشيح في كل مرحلة من مراحل التنسيق، يمكن للطالب طباعة بطاقة الترشيح من موقع التنسيق الالكتروني، والتوجه إلي الكلية التي تم ترشيحه إليها مباشرة لتقديم أوراقه وإتمام إجراءات قيده علي أن يقوم الطالب باصطحاب الأوراق التالية المطلوبة وهي
1) الاستمارة البيضاء الدالة علي النجاح.
2) عدد (6) صور شخصية.
3) شهادة الميلاد الأصلية أو مستخرج رسمي منها.
4) نموذج (2) جند للطلاب الذكور فقط (من مكتب البريد).
5) شهادة التفوق الرياضي (للطلاب الحاصلين علي حوافز رياضية فقط).
6)موافقة كتابية من مدير المدرسة بالنسبة للثانوية الجوية والثانوية العسكرية الداخلية للطلاب الحاصلين علي الثانوية العامة من إحدى هاتين المدرستين للالتحاق بإحدى الكليات أو المعاهد.


تعليقات