لو مذاكر كويس اعرف ازاي تجيب الدرجة النهائية

بسم الله الرحمن الرحيم طلاب الصف الثالث الثانوي اهلا بكم في موقع ايجي فاست التعليمي هنا تجد افضل مذكرات الشرح والمراجعة لجميع المراحل التعليمية من الصف الاول الابتدائي وحتي الثالث الثانوي فقط قم بالبحث عن ما تريد في محرر البحث الخاص بالموقع او اترك لنا تعليق 




من الحاجات اللي ممكن تضيع درجات منك

* عشان تتفادوها وتحاولوا تصلحوها ما تبقى من السنة


* 1- الخط ، الخط ثم الخط ثم الخط .. انت لو كاتب الإجابة نموذجية وخطك مش واضح للمصحح .. اعرف انك متاخدش درجة السؤال !  😔 مش لازم الخط يبقي حلو .. المهم يكون مفهوم ويتقرأ 👀.  



2-انك تنسي كلمة مميزة ف تعريف مثلا ، أغلب المدرسين بيعرفوا الاجابة صح أو غلط لو لمحوا كلمة معينة من التعريف أو الاجابة ..  ف نحاول ع قد ما نقدر واحنا بنحل طول السنة نجاوب بالاجابة النموذجية عشان نكون حفظناها ع اخر السنة  و نصيحة بيني و بينكم حط خط تحت الكلمات دى بالرصاص عشان المصحح اول ما يشوفها يديك الدرجة من غير ما يقرا كل الكلام 😉👌 



3- ان ممكن تسيب سؤال مش عارفه او مش فاكره او مش فاهم هو عايز ايه من غير ما تجاوب اى حاجة .. اكبر غلط لازم تكتب فيه اي حاجه تعرفها عن اللي بيسأل عليه ف السؤال .. لو معرفتش الاجابة متسيبهاش .. الف منهج جديد بس اوعى تسيبها .. اوووووووووعى 😲 



 4- إنك تشرح بأسلوبك ف المواد العلمية و تشرح غلط .. لازم تفهم الأول وتفهم نفسك كويس وتتخيل حد قدامك بتشرحله .. او افتكر شرح المستر .. افهم الأول كويس عشان تعرف تعبر بأسلوبك صح 👍متجاوبش بتلقائية كدة و خلاص .. لا رتب الاجابة في دماغك الاول 😃 



5- انك تنسي خطوة ف رسمة مثلا ف الأحياء أو تزود خطوة ، كتاب الامتحان بيكون مزود خطوات ف الرسم .. ذاكروا الرسومات من ((كتاب المدرسة)) .. 📕 لأن من حق المصحح يحسبها غلط عشان مش ملتزم ب الكتاب المدرسي . و الله في مصححين ممكن ميفكروش فيك و لا في مستقبلك .. حل كل حاجة و متتخليش مصيرك بين رحمة اى مصحح !  



6- شروط التفاعل ف الكيميا .. لازم تركز ومتنسهاش وانت بتكتب المعادلة .. ولو فيه رسمة ف تجربة لازم ترسمها بردو .. لااااااااازم . 



7- ف العربي ، إعراب الضمائر المتصلة والمنفصلة  *عليها نص درجة تقريبا* اغلب الطلبة بينسوا يعربوها .. خلي بالكم ! 



8- ف الانجليزي ، راجع البراجراف عشروميت مرة و اتدرب من دلوقتي تصحح اخطائك بنفسك *بالممارسة هتقدر* ..ان شاء الله ☺ لو جالك ايميل او خطاب التزم ب الform بتاعه عشان دا عليه درجات وكذلك ((القصة)) و ((القطعتين)) دول بينقصوا جامد ركز وانت بتجاوبهم .



9- مسائل الكيميا ، يستحسن تحلها بأرقام عربي مش انجليزي .. واتعود ع كده لان اغلب الطلبة بيكتبوا رقم عربي ورقم انجليزي . 



10- اقرأوا السؤال كذا مرة ومتاخدوش بالشكل .. ممكن #كلمة واحدة بس تغير الإجابة خالص. 



11- نقول تانى : اى سؤال علل في اى مادة سواء احياء او كيميا او فيزيا او جيولوجيا .. لو سؤال العلل ده ممكن تكتب  معادلة   او رسمة لااااااااازم تكتبهم وترسمهم .. لو معملتش كدة هتنقص .. لان في نموذج الاجابة لو بصيت عليه .. هتلاقي عليها درجاااات و يمكن نص الدرجة .




شارك الموضوع مع غيرك لكي تعم الفائدة 


تعليقات