اضغط اعجاب واستمتع بكل جديد لدينا

لطلبة الثانوية العامة فقط تابعنا ليصلك كل جديد
جروب ثانوية عامة هنذاكر مع بعض                     صفحة ثانوية عامة هنذاكر مع بعض
1a1ar 1a1co 1a1dr 1a1en 1a1fr 1a1ma 1a1re 1a1rs 1a1sc 1a2ar 1a2co 1a2dr 1a2en 1a2ma 1a2re 1a2rs 1a2sc 1p1ar 1p1co 1p1en 1p1ma 1p1re 1p2ar 1p2en 1p2ma 1s 1s1ar 1s1co 1s1en 1s1fr 1s1ma 1s1mo 1s1re 1s1sc 1s2ar 1s2co 1s2en 1s2fr 1s2ma 1s2mo 1s2re 1sbi 1sch 1sgr 1shi 1sph 1spl 2a1ar 2a1co 2a1dr 2a1en 2a1fr 2a1ma 2a1re 2a1sc 2a2ar 2a2co 2a2dr 2a2en 2a2ma 2a2re 2a2rs 2a2sc 2p1ar 2p1co 2p1en 2p1ma 2p1re 2p1sc 2p2ar 2p2en 2p2ma 2p2re 2s1ar 2s1co 2s1en 2s1fr 2s1ma 2s1mo 2s1re 2s2ar 2s2co 2s2en 2s2fr 2s2ma 2s2me 2s2mo 2s2re 2sbi 2sch 2ses 2sgr 2sgs 2shi 2sme 2sph 2spl 2sps 3a1ar 3a1co 3a1dr 3a1en 3a1fr 3a1ma 3a1re 3a1rs 3a1sc 3a2ar 3a2co 3a2dr 3a2en 3a2ma 3a2re 3a2rs 3a2sc 3p1ar 3p1co 3p1en 3p1ma 3p1re 3p1sc 3p2ar 3p2en 3p2ma 3p2re 3s1sc 3sar 3sbi 3sch 3sco 3sen 3ser 3ses 3sfr 3sgr 3sgs 3shi 3sma 3sme 3smo 3sph 3spl 3sps 3sre 3srf 4p1ar 4p1co 4p1dr 4p1en 4p1ma 4p1re 4p1sc 4p2ar 4p2dr 4p2en 4p2ma 4p2pen 4p2re 4p2sc 5p1ar 5p1co 5p1dr 5p1en 5p1fr 5p1ma 5p1re 5p1sc 5p2ar 5p2dr 5p2en 5p2ma 5p2re 5p2sc 6p1ar 6p1co 6p1dr 6p1en 6p1ma 6p1re 6p1sc 6p2ar 6p2dr 6p2en 6p2ma 6p2re 6p2sc 6pdr اجابات اجابة احسن احلا احلى احياء اخبار اروع افضل اقوى الثانوية الازهرية الثانوية التجارية الثانوية الصناعية الحاسب الالي الدبلوم الفنى الصف الاول الابتدائى الصف الاول الاعدادى الصف الاول الثانوى الصف الثاانى الثانوى الصف الثالث الابتدائى الصف الثالث الاعدادى الصف الثالث الثانوى الصف الثانى الابتدائى الصف الثانى الاعدادى الصف الثاني الاعدادي الصف الثانى الثانوى الصف الثاني الثانوي الصف الخامس الابتدائى الصف الرابع الابتدائى الصف السادس الابتدائى العام الدراسي 2017 الفلسفة والمنطق الفيزياء اللغة الانجليزية اللغة العربية المراجعة النهائية 2017 المرحلة الثانوية الميكانيكا امتحان امتحانات امثلة تحميل تلخيص تنسيق توزيع ثالث ثانوى ثانوية عامة جبر جداول الامتحانات جدول الامتحانات جغرافيا سياسيه حل دراسات دروس خصوصيه دفتر ذاكرة رياضيات فاست فهرس قطع كتاب كتب كليات كورسات مراجعة ليلة الامتحان معلومات ملخص منهج نتيجة الابتدائية نتيجة الازهر نتيجة الازهرية نتيجة الاعدادية نتيجة الثانوية نتيجة الجامعات نتيجة الدبلومات نتيجة لاعدادية نتيحة الثانوية نسيان نصائح هندسة ورق الامتحانات kg l1a1co l1a1en l1a1fr l1a1ma l1a1sc l1a2fr l1a2ma l1a2sc l1p1en l1p1ma l1p2ma l1s1co l1s1ge l1s1ma l1s2en l1s2ge l1s2ma l1sbi l1sch l1sph l2a1fr l2a1ma l2a1sc l2a2fr l2a2ma l2a2sc l2p1co l2p1en l2p1ma l2p1sc l2p2ma l2s1co l2s1ge l2s1ma l2s2en l2s2ge l2s2ma l2sbi l2sch l2sme l2sph l3a1co l3a1fr l3a1ma l3a1sc l3a2co l3a2fr l3a2ma l3a2sc l3p1co l3p1en l3p1ma l3p1sc l3p2en l3p2ma l3sbi l3sch l3sge l3sit l3sma l3sph l3sst l42ma l4p1co l4p1fr l4p1ma l4p1sc l4p2ma l4p2sc l5p1co l5p1en l5p1ma l5p1sc l5p2ma l5p2sc l6p1co l6p1en l6p1fr l6p1ma l6p1sc l6p2en l6p2ma l6p2sc t2s1fr t3sfr te z1a1ar z1a2ar z1a2sc z1s1ar z1s1fr z1s2 z1sps z2a2ar z2a2sc z2p1en z2s1ar z2s1fr z2s1ma z2sme z2spl z3sen z3sfr z3sma z3sme z3sns

طريقه سهله ومضمونه جدا للحصول علي 100% في امتحانات الثانويه العامه 2017


طلاب الثانويه العامه يقدم لكم موقع ايجي فاست التعليمي  طريقه الحصول علي 100% في امتحانات الثانويه العامه من نصائح اسطوره الفيزياء محمد عبد المعبود
السلام عليكم ورحمة الله وبركاته
رجالة الثانوية العامة .. رجالة للبنين والبنات اه
شهر ٢ خلص خلاص اهو فاضل ٣-٤ -٥ والامتحانات في ٦
ايه يا عم مالك عمال تعيط ليه بس كده ... ليه منكد على نفسك كده بس
استهدي بالله كده هو انت مش واثق في ربنا ولا ايه ؟!
هترد تقلي واثق طبعا بس فيه حاجات كتير ناقصاني ... واتخنقت خلاص وزهقت من السنة الطوييييلة ديه .. من البيت للدرس ومن الدرس للبيت وحاجة اخر قرف ... وعندي كمية يأس واحباط مش عند حد .. ده غير ضغط ابويا وامي عليا ضغط نفسي رهيييب وبصراحة انا نفسي افرحهم بس انا تعب فعلا بمعنى الكلمة ... والبنات هيلاقوا الكلام ده كتير اوي من امهاتهم والاب هيكون عاوزك بتذاكري ٣٠ ساعة في اليوم الي هو اصلا ٢٤
اهدي كده وصلي على النبي
صلي على النبي تاني 😄
معلش هتقل عليك وخليهم ١٠
تعالى بقة نتكلم
مبدأيا قبل ما نتكلم .. والله والله لو انت ابيض خااااالص ومذاكرتش من اول السنة وانت عاوز تجيب مجموع فوق ٩٥ هتجيبه والله هتجيبه زي ما بقولك كده بس ده لو انت عاوز .. انما لو مش عاوز ومش فارق معاك نفسك ولا ابوك وامك الي في البيت خلاص عمرك ما هتوصل للتسعينات اصلا
يبقى اول حاجة نتفق عليها إن انا اكون عاوز اعمل كده
تاني حاجة تنوي ان انا عاوز اعمل كده عشان افرح ابويا وامي ... امي الي اعصبها تعب من كتر الدعاء وابويا الي بيشتغل من الصبح ويرجع اخر النهار تعبان عشان يجبلي فلوس الدروس وعشان يجبلي انا واخواتي كل الي نفسنا فيه... الناس ديه متستحقش منك انك تفرحهم .. تبسطهم .. تخليهم يدمعوا من كتر الفرح ! اه والله زي ما بقلك كده .. حاطين عليك امل كبير اوي بعد املهم في ربنا طبعا ...
طب اعمل ايه ؟!
بص يا سيدي .. فيه بيت شعر للإمام الشافعي بيقول
شكوت إلي وكيعٍ( معلم ) سوء حفظي * فأرشدني إلي ترك المعاصي
وأخبرني بأن العلم نورٌ * ونور الله لا يُهدي لعاصي
••عاوزين نراجع نفسنا في ذنوبنا الي بنعملها .. وممكن منكنش حاسين بيها ... او ممكن نكون عارفين بس متساهلين فيها !!
عاوزين نلتزم في الصلاة اكتر واكتر ... الصلاة ليها مواعيد .. المواعيد ديه ربنا حطها لينا ... يبقى لما تيجي تقابل ربنا في معاد هو حاطه لازم تلتزم بيه .. يعني لو مثلا اخدت معاد مع رئيس او وزير ( والله المثل الاعلى ) هتفضي نفسك قبلها وتتشيك وتحط برفان وانت رايح وهتبقى مستعد قبلها وهتروح بدري كمان !!! شوفت بقة قد ايه انت متساهل في الصلاة وفاكرها انها بتكون وقت لما تفضي !!
طب في البيت هقدر اظبطها ان شاء الله واول لما نسمع الاذان هنقوم نتوضأ ونصلي .. يا اخي حتى عشان ربنا يكون راضي عنك ويفتح عليك في المذاكرة .. لكن بتصلي وقت ما انت عاوز او مش بتصلي وعاوز ربنا يفتح عليك ويكرمك !!! ازاي ؟!
طب انا ساعات بنزل الدروس وارجع اصلي كل الصلوات مع بعض اعمل ايه ... لازم طبعا توقف الموضوع ده ... مفيش جمع للصلاة إلا للمسافر او المريض بس والجمع بيكون للظهر والعصر او المغرب والعشاء .. مش الاربع صلوات كلهم ... يبقى كده مينفعش تجمع اي صلاة مع التانية لان انت مش مسافر ولا مريض ... بص يا عم انت تنزل من بيتكم متوضأ وجاهز ... لو الصلاة كانت في معاد حصة وعرفت تستأذن يبقى كده تمام ... طب لو معرفتش ... استنى لما الدرس يخلص وصلي ... طب ساعات بكون في الدرس وفيه صلاتين ورا بعض ... هنا بقة لازم تستأذن (٥د من ٣ ساعات مش هتفرق ) تصلي بسرعة وترجع ... والبنات تصلي في اي اوضه في السنتر ويا سلام لو معاكي مصليتك
كده ان ساء الله الصلاة هتظبط وجرب بنفسك وهتلاقي فيه بركه والله
••نيجي على حاجة تانية .. بعيدا عن ان الموسيقى حلال او حرام
س : لو جيت يوم القيامة عاوز يتقال انك سمعت قران ولا سمعت اغاني ؟!
انت جاوبت على نفسك اهو وقلت انها غلط
يبقى هنبطل نسمع اغاني خلاص ولما نضايق نسمع قران يطيب قلوبنا ويزود حسناتنا ويقربنا اكتر من ربنا ... مش نسمع اغاني الي اكيد مش هتدينا حسنات خالص و الي بتبعدنا عن ربنا
••ذنوب السر الي محدش يعرفها غير او انت وصاحبك وديه بقة انت الي تراجع فيها نفسك
اوعي الشيطان يقلك انت يا عم مليان ذنوب وبتعمل حاجات غلط كتير .... ربنا غفور رحيم ... ربنا مستنيك والله تكون قريب منه ... وما احلى القرب منه ... لما تكون ماشي مع باباك بتقول انا ماشي مع بابا وبتبقى مش خايف ... ما بالك بقة انت ماشي ومعاك ربنا هيكرمك والله وهيفتح عليك ويرزقك بحاجة انت ذات نفسك مش متخيلها
••صحابك ... بص يا باشا صاحبك الي من ١٠ سنين والي من يوم ما داخلت المدرسة وانت عارفه وحبيبك اوي مش هيفيدك او هينفعك او هيزعل اوي لما انت تجيب مجموع قليل( هيتأثر شوية وخلاص ) لكن الي الزعل هيأثر عليه اوي هو امك وابوك .. بالله عليك اتعب عشان تفرحهم يا اخي ...
الكلام ده بقولوا من حكم خبرتنا في المواضيع ديه
صاحبك بيأثر عليك وانت مش حاسس ... لو صاحبك مش في دماغه انه يجيب مجموع .. سيبه دلوقت وابعد عنه الثلاث شهور دول لأنه بيأثر عليك والله وانت مش واخد بالك
ومتخليهوش يعطلك عن المذاكرة ويتصل بيك عمال يسألك ليل ونهار مش بقولك متساعدهوش بس كل حاجة ليها حدود وثانيا هو ليه مستر يسأله .. مفهاش عيب ولا حرام ... انت معندكش وقت زيادة اصلا عشان كده !
خليك مع نفسك كده الفترة ديه وركز بالله عليك عشان توصل للي تفرح بيه اهلك وبعد الكام شهر دول ابقى اعمل الي انت عاوزه معاه
••النت ... النت .... النت
لازم تقفله✋️ بس بمزاجك ... مش هقولك كلام الامهات انه بيأثر على الدماغ وانه بيتعب و و و .... هقولك احنا عاوزين الفترة الي جاية نصفي ذهننا من اي حاجة .. هتقولي ده انا برفه عن نفسي شوية .. هرد عليك تاني وهقولك عاوزين نصفي ذهننا خااالص من اي حاجة تشغلنا وخلي بالك انك بتلاقي بوستات تجبلك احباط من غير ما تحس .. يعني تلاقي صاحبك كاتب بوست وعمال يشتكي ومخنوق من الثانوية والي عمال يعيط والي عمال يندب ... كل ده بيأثر عليك وانت مش واخد بالك من كده .. ده غير صفحات الثانوية العامة وتلاقي الي يقلك احنا الوحدين هنعيد واحنا بنذاكر ومش هنعرف نصلي تراويح ونقرأ قران ولا هنحس برمضان ... وحاجااااات كتير كلها غم واحباط ... لو فكرت بشكل ايجابي هتلاقي ان كفاية انك هتمتحن وانت صايم وتدعي ربنا ليل ونهار وتصلي اكتر وتدعي .. تعرف ان اغلب فتوحات وانتصارات الجيوش الاسلامية كانت في رمضان ! اصبر عشان خاطر الناس الي في البيت مجاتش على العيد ده يا عم 😄 الاعياد جاية كتير ابقى ورينا هتعمل ايه
عاوزك انت الي تقرر متفتحش النت من نفسك وتكون مقتنع ... لو مش قادر احلف على نفسك انك مش هتفتح النت تاني الا لما تخلص الامتحانات بص يا سيدي انا اعرف ناس كتير عملت كده وانا منهم .. عشان اركز كان لازم اعمل كده والله وادي لنفسك سماح ليلة العيد يا عم
كده ظبطنا اغلب جوانب حياتنا وشفنا هنعمل ايه خلال الامتحانات ولقينا ان الناس مزودة الموضوع كتير شوية .. عاوزين نبقى رجالة قدام نفسنا وقدام اهلنا ( والله فرحتهم مش هتعرفها الا لما تشفها ان شاء الله ) .. بالله عليك اتعب معلش تاني وعاااافر مع نفسك وهات اخرك وزي ما اتفقنا كده
••بالنسبة للمذاكرة بقة ( مش هتكلم كتير فيها ) بس الحل بتاعها ان اي مادة تخلصها تفضلها كذا يوم وتبدأ حل امتحانات ومتقلقش من موضوع البوكليت وتكبر الموضوع ( كل الي في الموضوع ان بدل ما يكون فيه ورقة للأسئلة وتجاوب في ورقة فاضية ... وفر عليك وهيخليك تجاوب في نفس الورقة عادي ) ومتقلقش هيسبلك مكان للإجابة
تحل في كل مادة -٢٥-٣٠ امتحان على الاقل ...
حل الامتحانات = مجموع عالي بأمر الله ... وخلي بالك في الاول هتلاقي ايدك مش ماشية وعمال تبص على الاجابات كتير لحد -٥-٦-٧ امتحان مثلا لكن بعد كده لما تتعود هتلاقي نفسك بتحل الامتحان كله في نص وقت الامتحان 💪👍 متستغربش .. احنا جربنا ووصلنا لكده والله حل الامتحانات بيلم المنهج كله في دماغك خلال ساعة او ساعتين
خلي بالك لو مهما ذاكرت وحفظت وانت محلتش امتحانات فمذاكرتك ناقصه كتير حل وانت تعرف
مش عاوز اطول عليكم كتير بس هقولكم على حاجة كنت بعملها كل يوم في الفترة ديه ... بالليل قبل الفجر كده قوم اتوضأ وصلي ركعتين وساعة السجود عاوزك تدعي ربنا بأي حاجة انت عاوزها وخليك طماع وانت بتدعي ( ربنا مش كريم بس لكن ده اكرم الاكرمين 😃) ادعي وفضفض مع ربنا .. قوله يا رب انت عالم بحالي .. انا تعبت يا رب .. نفسي يا رب افرح ماما وبابا ... يا رب متسبنيش لوحدي ... يا رب اجيب مجموع كبير وافرح ماما وبابا ... يا رب انت قلت (واذا سألك عبادي عني فإني قريب ) ... ( أمن يجيب المضطر اذا دعاه ويكشف السوء ) .... قول كل حاجة نفسك فيها و متتكسفش عشان ربنا عارف نفسك اكتر منك وحاسس بيك
احسن الظن في ربنا انه مش هيسيبك ... ربنا بيقول في الحديث القدسي ( أنا عند ظن عبدي بي فليظن بي ما شاء ) ... اتعب بس ... خلي شعارك في المرحلة الي جاية ( انا لا نضيع اجر من احسن عملا ) علق الايه ديه في ذهنك دايما وكل اما تتعب قولها لنفسك .. احسن العمل من دلوقت يلا وشد حيلك والله هتوصل .... طعم الزعل وحش اوي اوي ... لكن طعم الفرحة احلى بكتييييييير اوي

ابدء من دلوقتي وهتجيب 100% في الثانويه العامه مع نصائح محمد عبد المعبود

رأيك يهمنا -  يسعدنا تعليقك علي هذا الموضوع 
الاقسام: ,
[blogger]

Author Name

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.