بسم الله الرحمن الرحيم اولياء امور الصف الاول الابتدائي الفصل الدراسي الثاني 2017 اهلا بكم في موقعكم ايجي فاست التعليمي والان نقدم لكم اقوى شرح للدكتورة شيماء صبره لتعليم القرائية للاطفال
جاهزين النهاردة نشرح حاجة جديدة فى القرائية اسمها (اضافة صفة) سهلة جدا وممتعة كمان بتيجى ازاى يطلب من الطفل اضافة صفة طب الاول كده نعرف
يعنى ايه صفة ؟؟؟؟
هى كلمة لوصف اسم وتتبعه من حيث (المذكر والمؤنث) (المفرد والجمع والمثنى) طيب افهمها ازااى للطفل أولا فى سنة أولى فى درس أسرة سعيدة فى سؤال بيقول صف أسرة باسم فنقول ايه؟؟؟؟ سعيدة( صفتها سعيدة )
كمان فى درس مدرستي جميلة باسم وصف مدرسته أنها نظيفة وبسمة قالت أنها جميلة افهم هو ده ايه أن الكلمة ممكن توصف بأكثر من صفة لكن شرط أنها تكون فى سياق الكلام والمعنى يعنى اقول للطفل اوصف مدرستك زى باسم وبسمة ممكن يقول واسعة ...بعيدة....نظيفة....قريبة
لاحظنا ايه ان كل الصفات اللى قولناها تتبعت كلمة مدرسة أنها مفرد وكمان أنها مؤنثة يعنى مينفعش اقول المدرسة نظيف .....او المدرسة نظيفات طب ممكن اقول المدرسة جائعة. او المدرسة نائمة. ..لأ طبعا طب ليه ماهو متوفر فيها كل حاجة مفرد و مؤنث كمان ؟؟؟
ماشى بس الصفة كمان شرط نشوف هى توصف إنسان ولا حيوان ولا جماد علشان تكون ماشية مع سياق الكلام لأن الجوع والنوم مش من صفات الجماد طب تمام ندى أمثلة بقى بس لازم وانا بجاوب اخلى الطفل بجاوب تكتر من اجابتين علشان ازود المرادفات فى مخه وكمان اعرفه أن فى اكتر من إجابة ممكن تكون صحيحة يلا ببنا 👈المعلمة .....(ماهرة ...ممتازة ....طيبة.....مجتهدة .....محبوبة)
لكن مينفعش اقول معطلة.....جافة طب ناس هتقول ازاى ماهو ينفع نقول المعلمة جافة 😠😠😠😠لا طبعا لكن نقول معاملة المعلمة جافة هنا وصفت معاملة المعلمة وليست هى كإنسان 👈القطار ......(سريع ....بطئ.......متوقف).......لكن مينفعش اقول نائم ....جعان.....عطشان. 👈القطة .....( صغيرة ...خائفة. ...جائعة. ...كبيرة)لكن مينفعش اقول مكسورة لكن اقول القطة رجلها مكسورة هنا وصفت رجلها مش القطة كحيوان دى كلام ليكى انتى يا مامى علشان تقدرى تفهمى ابنك علشان منجيش مامى تقول طب ابنى بيقول الكتاب جائع والميس عملتهاله غلط أيوه مع انها مفرد ومذكر أيوة معلش بس الجوع مش من صفات الجماد اللى هوا الكتاب يلا مثال كمان 😊😊😊😊 الطفل (ذكى شجاع كاذب جائع نائم متفوق ممتاز سريع بطئ )وهكذا ندى الولاد أمثلة كتير ونعملها لعبة اللى هيقول اكتر من خمسة يبقى شاء الطب ونصقفله كمان طب والله فكرة هدى تمثلة وكل مامى تجاوب هى وابنها ولا بنتها ونكتب فى الكومنت الإجابات ونشوف اشطر مامى واشكر طفل 👏👏👏👏 الأمثلة الحديقة .......الثلاجة.......البقرة ......الطبيب يلا جاوبوا بسرعة
إرسال تعليق