ازاي تختار الكلية؟
فيه حقائق وثوابت وحاجات لازم تعرفها وتقنع نفسك بيها بأي طريقة وتنفذها عشان تختار صح ومتندمش بعد كده
سوء اختيار الكلية دايمًا هيخليك تعيش أفضل سنين حياتك في تعاسة بل وممكن تضطر تغير الكلية وتضيع سنين من حياتك وده وفقًا لاحصائية ان سنويًا 30% بيغيرو الكلية بعد اول سنة عشان كده لازم تختار صح.
سوء اختيار الكلية دايمًا هيخليك تعيش أفضل سنين حياتك في تعاسة بل وممكن تضطر تغير الكلية وتضيع سنين من حياتك وده وفقًا لاحصائية ان سنويًا 30% بيغيرو الكلية بعد اول سنة عشان كده لازم تختار صح.
ازاي تختار صح ؟؟
-الميول الشخصية :
شوف انت بتحب ايه، ايه الكلية اللي بتثير شغفك وحماسك، سيبك من جو كلية قمة وقاع والهري ده متدخلش كلية انت مش حاببها لمجرد ان أهلك عاوزين كده او انك جايب مجموع عالي ومستخسر تدخل حاجه اقل من مجموعك
-مقدرتك العقلية :
انت اكتر واحد أدري بشخصيتك وبقدراتك متحاولش تدخل حاجه اقل من قدراتك ولا اعلي اختار المكان المناسب
-العمل :
لازم تبص للمجال ده هل شغله متواجد ولا لا وهل الشغل ده انت بتحبه وهتبدع وتنج فيه ولا لا، متخليش الموضوع ده أولي أولوياتك بس بردو لازم يكون في حُسبانك والا يبقي اختيارك غلط ولا يمت للواقع بصلة
-الاستشارة :
استشير اهلك واصحابك والناس اللي اكبر منك وعندهم خبرة وقدر من المعرفة في الموضوع ده، ولما تسأل اسأل ناس ناجحة ف المجال ده، والأهم ان القرار النهائي يكون ليك يعني انت بتستشير لمجرد انك تجمع افكار كتير بس اوعي تمشي ورا رأي حد غير نفسك، لو أخطأت هتقدر تتحمل خطأ نفسك انما لو حد اختارلك غلط هتندم ندم السنين .
-الابداع :
من اهم السمات ان المجال اللي تختاره يكون عندك قدرة علي الابداع فيه، وزي ما قلت فكك من قمة وقاع والجو ده لان ياما ناس فشلو ف طب وهندسة عشان مش ده مكانهم والحس الابداعي عندهم منعدم
تعتبر فترة اختيار الكلية من أصعب المراحل التي رم بها طالب الثانوية العامة كونه يختار كلية ستحدد مستقبله إلى حد كبير عشان كده استخير وفكر كويس واختار صح وان شاء الله ربنا هـ يوفقك وهتعيش أجمل فترات حياتك ف الكلية