النظري ٣٠ سؤال منهم ١٠ اختياري و ٢٠ صح و غلط و الاسئله النظري معلومات عامه يعني مثلا من ضمن الاسئله ال كانت جايه
١- نبات كان يستخدمه المصريون قديما ف صناعه الورق (نبات البردي)
٢-صح او غلط.. يوجد جامع عمرو بن العاص ف دمياط ف هتبقى صح
٣- الطبيب احمد عكاشه طبيب مصري مشهور هتبقى غلط لانه مش مصري
٤- مقر الرئاسه ف امريكا هو البيت الأبيض صح
٥-كنه اللون معناه اصل اللون صح
٦-يستخدم اللون الأصفر للتحذير صح
و اسئله كتيير تانيه
زي مثلا ماهو التمثال الموجود ف ميدان باسمه
بس انا معرفش اجابته
و الاختيارات كانت سعد زغلول و مصطفى كامل و طلعت حرب و حد كمان مش فاكره
و اسم زوجه نابليون التالت الحضرت افتتاح قناه السويس (اوجيني)
و كان فيه سؤال ف الكوره مش فاكره صيغته و اجابته كانت احمد حسام ميدو
و عدد الجيوب الأنفية عند الإنسان ٨ هتبقى صح
المهم انها كلها معلومات عامه
و الورقه التانيه فيها سؤالين
الأول ال بتستخدم فيه الظل و النور
بيطلب منك ترسم ٣ اسكتشات سريعه عن حاجه بيحدهها ف الامتحان و تختار اسكتش من ال ٣ دول ترسمه تاني بس تكبره و تبين فين الظل و النور
السؤال التالت بيبقى اعلان عن حاجه هو بيحددهالك و بيحدد المساحه ال هتشتغل فيها على سبيل المثال ٣٠*٢٠ او اي مساحه هو بيحددها ف ورقه الامتحان
و دا السؤال الوحيد ال بيتلون يعني الأول بالقلم الرصاص بس و كان طالب مننا منستخدمش الأدوات الهندسيه يعني ممنوع تستخدم المسطره اي خط لازم يتعمل بايدك و تحاول انه يكون خط مستقيم مظبوط
لكن التاني بتاع الإعلان عادي مفيش مشكله
دا نظام تطبيقيه و النظري مدته ٤٥ دقيقه و الرسم و التصميم ٤ ساعات
إرسال تعليق